جملہ اسمیہ دیگر کتب میں

جملہ اسمیہ ، ایسا جملہ جو اسم سے شروع ہوتا ہے۔ جیسے الْكِتَابُ سَهْل. (کتاب آسان ہے) ایسے جملوں میں پہلے جزء کو مبتدا اور دوسرے کو خبر کہتے ہیں۔

عربی میں جملوں کی دو قسمیں ہوتی ہیں: جملہ اسمیہ اور جملہ فعلیہ،

جملہ اسمیہ اسم سے شروع ہوتا ہے، جیسے: اَلْبَيْتُ جَمِيلٌ گھر خوبصورت ہے ۔

اور جملہ فعلیہ فعل سے شروع ہوتا ہے، جیسے: دَخَلَ الْمُدَرِّسُ استاذ داخل ہوئے۔

ان دونوں کی کچھ مزید تفصیلات یہ ہیں:

جملہ اسمیہ کی ابتدا میں ذیل میں سے کوئی کلمہ ہو گا :

ا۔ اسم یا ضمیر ، جیسے: هَذِهِ مَدْرَسَةٌ، أَنَا مُجْتَهِدٌ، اللَّهُ غَفُوْرٌ.

۲۔ مصدر مؤول ( اَنۡ اور مضارع سے بنی ہوئی ترکیب جو مصدر کی طرح عمل کرے) جیسے :وَأنْ تَصُوْمُوْا خَيْرٌ لَكُمْ.تم روزہ رکھو یہ تمہارے لئے بہتر ہے۔

۳۔ حروف مشبه بالفعل، جیسے: إِنَّ اللَّهَ غَفُوْرٌ رَّحِيمٌ.بے شک اللہ بڑا معاف کرنے والا مہربان ہے۔