مبنی اسماء دیگر کتب میں

اسمائے مبنیہ یہ ہیں:

(الف) ضمائر ، اسمائے اشارہ ، اسمائے موصولہ، اسمائے استفہام، اسمائے شرط، اسمائے افعال ، بعض ظروف ۔ اور یہ تمام کے تمام اس طریقے پر مبنی ہوتے ہیں کہ جس طرح سے کہ سنے گئے ہیں۔

(ب) منادی جب کہ وہ علم مفرد ہو یا نکر مقصودہ ہو تو وہ اس وقت مبنی علی الرفع ہوتا ہے۔

(ج) لائے نفی جنس کا اسم جبکہ وہ مضاف نہ ہو اور نہ ہی مضاف کے مشابہ ہو تو اس وقت مبنی علی النصب ہوتا ہے۔

(د) وہ کلمات جو کہ اعداد اور ظروف اور احوال سے مرکب ہوں تو ان کے دونوں جزوں میں مبنی علی الفتح کا اعراب ہی ہو گا۔

(ھ) وہ مبہمات جو کہ لفظاً اضافت سے جدا ہو چکے ہوں تو وہ اس وقت مبنی علی الضم پڑھے جاتے ہیں۔

(ز) ہر وہ کلمہ جو کہ’’ ویه ‘‘کے کلمہ پر ختم ہو رہا ہو یا وہ کسی مؤنث کا علم ہو اور فعال کے وزن پر ہو یا اس مؤنث کے لئے گالی ہو یا اسم فعل ہو تو یہ تمام کے تمام کلمات مبنی علی الکسر ہوتے ہیں۔

الأمثلة

(۱) فِي الْحُجْرَةِ أَحَدَ عَشَرَ كُرْسِیّا

جَلَسْتُ مَعَ أَحَدَ عَشَرَ رَجُلًا

(۲) مَا رَأَيْتُ مِثْلَ هَذَا الْكِتَابَ مِنْ قَبْلُ

إِنْ نَجَحْتَ فَلَكَ الْمُعَافَاهُ مِنْ بَعْدُ

(۳) مِنْ أَئمة النَّحْوِ سِيبَوَيه

كَانَ ابْنُ أَحْمَدَ بْنِ طُولُونَ يُدْعَى خَمَارَوَيْهِ